Comités Abertos convídanos este mércores a mollarnos pola lingua no Twitter

Protexer a lingua galego botando man das ferramentas máis usadas polos treitos de idade onde menos se emprega a lingua e, polo tanto, máis cómpre promovela e visualizala. Este é o gran obxectivo da campaña #EuEnGalego, ou sexa “facer galego” nas redes sociais. A iniciativa de Comités Abertos baséase no seguinte dato: segundo as estatísticas do IGE (Instituto galego de estatística), a a situación na que se atopa a nosa lingua é “moi desfavorable”. De feito, sinalan os responsables da campaña, “a cantidade de galegofalantes en todo o territorio galego, así como nas aulas da Galiza é tan pequena, que está a marcar mínimos da súa historia”.
A iniciativa ponse en marcha este mércores 17 de decembro, desenvolvéndose das 22 ás 23 horas. A idea é que se acade o meirande número de xente chiando coa etiqueta #EuEnGalego. En relación aos temas, pódese amosar a utilidade do galego, a situación da lingua actual, criticas as “políticas lingüicidas que nos asoballan, etc”. Hai cumprida información sobre a mobilización tuiteira no propio Twitter e na web de Comités Abertos, na sección específica Alerta Galega.